Алматыдан жаңадан құрылған Алатау қаласына дейін жол өткелі салынбақ

Алматыдан облысқа шығатын жолда күн сайын шақырымға созылатын көлік кептелісі байқалады. Оларды реттеу үшін Алматы облысы жолаушылар көлігі және автомобиль жолдары басқармасы көлік кептелісі мәселесін шешуге бағытталған шараларды алып жатыр. Бұл туралы kazinform хабарлайды.

Ведомствоның хабарлауынша, жобалық-сметалық құжаттама әзірленіп, мемлекеттік сараптамадан өтті. Қазір Алматы облысы Іле ауданы (ДАМУ ауданы) 6,8 шақырымында "Алматы-Жетіген-Қапшағай" су қоймасы жолының бойында жол өткелінің құрылысына жер телімдерін алып қою жұмыстары жүргізіліп жатыр. Егер бюджеттен қаржы бөлінсе, құрылыс жұмыстары 2025 жылға жоспарланған.

Жол өткелі - көлік қозғалысының негізгі жолы ретінде қарастырылады. Жоба аясында қолданыстағы жолдың ені 11 метрден 12 метрге дейін өзгереді және екі жолақтан тұрады. Әр бағытта бір жолақтың ені 3,75 метр.

Жол өткелінің жобасы бойынша ені 3,75 метрлік екі бағыт болады. Әр бағытта ені 1 метрлік қауіпсіздік жолағы және жол бағыттарын бөліп тұратын жолақта қоршау орнатылады. Жол бағыттарын бөліп тұратын жолақтың ені металл кедергі қоршауларды орнату үшін 3 метр болады. Ал жолаушыларға арналған жолдың ені екі жағынан да 1,5 метрге жетеді.