"19 жыл болды": Асқар Жұмаділдаев шешімі табылмаған есебін шығарған жанға беретін сыйақы көлемін арттырғанын айтты

Белгілі математик Асқар Жұмаділдаев 19 жыл бұрын есептің мәнін шығарған адамға 100 доллар беремін деп жария еткен болатын. Одан кейін біршама уақыт өткенімен, ұсыныс әлі де өзекті, дейді математик. "Қазақстан" телеарнасының эфирінде академик есеп шығарған жанға берілетін сыйақы көлемі де өскенін мәлім етті, деп жазады KAZ.NUR.KZ.

"Әңгіме міндетті түрде дәл шығару емес. Ең болмағанда, соның бір идеясын айтса, былай шығарсақ дұрыс болады деген логикасын айтса. Соның өзі де үлкен олжа болар еді мен үшін. Шамамен 6-7 адам алды. Бір бала 300 доллар алды. Бір бала 100 доллар алды. Бірақ соңғы кезде балалар да қу болып алды. "Аға, бізге доллардың керегі жоқ, бізге баға керек. Бес қойып беріңіз, болды", - дейді.

Академик қоғамға есебінің мәнін табу ұсынысы бұдан 19 жыл бұрынғы бастама екенін, қазіргі таңда есепті шығарған адамға беретін сыйақы көлемі де өскенін атап өтті.

"Шығарған адамға 1900 доллар беремін", - деді ол.