Алматы облысында өзендегі шлюзді белгісіз біреу ашып жіберіп, салдарынан аулаларды су басты

Бүгін Қарасай ауданы Көлащы ауылында Қаскелең өзенінен шаруашылық қажеттіліктер үшін ауылдың суару каналына жіберуге арналған шлюзді белгісіз біреу ашып тастаған. Салдарынан 4 ауланы су басқан, деп хабарлайды ТЖМ-ның Telegram-дағы ресми арнасына сілтеме жасаған KAZ.NUR.KZ.

Ведомство хабарлауынша, шлюзді ашу салдарынан 4 үйдің ауласын су басқан.

"Бұл аула аумақтары елді мекеннен тыс жерлерде ауыл шаруашылығы алқаптарында ретсіз түрде салынған. Оқиға орнында ТЖД-нің 7 қызметкері, 2 бірлік техника және 2 мотопомпа, ЖАО 3 адам және 1 бірлік техника жұмылдырылды", - делінген хабарламада.

ТЖМ ақпаратына сай, қазіргі таңда Қарасай ауданы ПБ қызметкерлері шлюзді ашқан адамды іздестіріп жатыр. Аэровизуалды тексеру және дұрыс шешім қабылдау үшін ұшқышсыз ұшатын аппарат тартылған.

Мәтіннен қате тапсаңыз, бізге жазыңыз