Астанадан Ақтауға бағыт алған ұшақ елорда әуежайына қайта қонуға мәжбүр болды

Астанадан Ақтауға бағыт алған FlyArystan ұшағы елорда әуежайына қайта қонуға мәжбүр болды, деп хабарлайды KAZ.NUR.KZ әуекомпаниясының баспасөз қызметіне сілтеме жасап.

"Бүгін, 2025 жылғы 23 ақпанда Астана-Ақтау бағытындағы FS 7375 рейсін орындау барысында әуе кемесінің жоғарғы жүк сөресінде жолаушының сөмкесінен өрт шықты.

Өртті әуекомпанияның бортсеріктері жедел сөндірді. Бортта 182 жолаушы болды. Әуе кемесі ұшу пунктіне оралып, қону штаттық режимде жүзеге асырылды", - делінген хабарламада.

FlyArystan өкілдері оқиғаның барлық мән-жайы анықталғаннан кейін қосымша ақпарат берілетінін айтты.

Ал рейс Астана уақыты бойынша 17:10-ға ауыстырылған.

Сондай-ақ әуекомпанияның өкілдері барлық жолаушы билеттерін қайта брондай (борандау тегін) алатынын немесе ақшасын қайтарып ала алатынын еске салды.