ШҚО-да құсбегілікпен айналысатын өрт сөндіруші туралы не білеміз (фото)

ШҚО-ның Глубокое ауданында бос уақытында қазақтың ежелгі дәстүрлерінің бірі – құсбегілікпен айналысатын өрт сөндіруші тұрады, деп хабарлайды KAZ.NUR.KZ ШҚО ТЖД-ға сілтеме жасап.

ТЖД-ның мәліметінше, құсбегілікпен айналысатын өрт сөндіруші – Глубокое ауданының Алтай ауылындағы №21 өрт сөндіру бөлімінің қарауыл бастығы Дархан Абзалов.

Дархан Абзалов Төтенше жағдайлар қызметінде 2009 жылдан бастап қызмет етеді. Ол көптеген өрт сөндіру жұмысына қатысқан, олардың ең ірісі – 2024 жылғы элеваторда болған өрт.

Қиын жұмыс күндерінен бос уақытта Дархан Абзалов өңірдегі тау-жоталарына шығып, "Қандықөз" атты бүркітімен аң аулайды.

Құсбегі болу өрт сөндірушінің қанында бар, оның арғы атасы да әйгілі аңшы болған. Жақында Дархан Түркістанда ұйымдастырылған чемпионатқа қатысқан, сондай-ақ Солтүстік Қазақстан облысында өткен Қазақстан Республикасының VIII чемпионатында өз шеберлігін көрсеткен.

"Соңғы жылдары Қазақстанда құсбегілікке деген қызығушылық артты. Құсбегілер тек қана құстарды тәрбиелеп, кәсіби аңшылыққа үйретіп қана қоймай, ұлттық өнерді насихаттайды", - дейді Дархан Абзалов.