Астанада қолайсыз күн райына байланысты бірнеше рейс кейінге шегерілді

Астанада қолайсыз күн райына байланысты ұшуға жоспарланған 84 рейстің алтауы кейінге шегерілді. Бұл туралы әуежайдың Telegram-дағы арнасына сілтеме жасаған KAZ.NUR.KZ хабарлайды.

Рейстердің кешіктірілуіне күн райының қолайсыздығынан әуе кемелерінің кеш келуі себеп болған.

"Ұшып келуге жоспарланған 86 рейстің 8-і дәл осы себеппен кешіктірілді. Әуежай штаттық режимде жұмыс істейді. Ұшу қауіпсіздігін қамтамасыз ету мақсатында перрон мен ұшу-қону жолағын тазалау жұмыстары үнемі жүргізіледі. Әуеайлақтың үздіксіз жұмысын қамтамасыз ету үшін 23 мамандандырылған техника пайдаланылады", - дейді әуежайдың баспасөз қызметінің өкілдері.

Астана әуежайы жолаушыларға рейстердің күйін және кестедегі ықтимал өзгерістерді

• Авиакомпаниялардан
• Әуежайдың ресми сайтынан: www.nn-airport.kz
• Тәулік бойы жұмыс істейтін әуежайдың байланыс орталығы бойынша: 8 (7172) 702-999 тексеруді сұрайды.

Еске сала кетейік, бұған дейін синоптиктер Астанада қар жауып, күн суытатынын хабарлаған еді.

Мәтіннен қате тапсаңыз, бізге жазыңыз