"7 жыл бойы ауырған": шымкенттік ана баласына бір бүйрегін берді
Опубликовано:
№1 клиникалық аурухана базасында өткен операцияда 41 жастағы келіншек 21 жастағы ұлына бір бүйрегін берді. Операция сәтті өтіп, донор мен рецепиент палатаға ауыстырылды, деп хабарлайды kazinform.kz.
Екеуінің де жағдайы жақсы, денсаулықтарында ақау жоқ.
"Бүйрегі алмастырылған рецепиент 7 жылдан бері созылмалы бүйрек жетіспеушілігімен ауырып келген. Соңғы 1,5 жылда гемодиализ аппаратына тәуелді болған. Жігіт аз уақытта қалыпты өміріне қайта оралады",- дейді дәрігерлер.
Айта кетейік, бүгінге дейін №1 қалалық клиникалық ауруханасында 231 бүйрек және 32 бауыр трансплантациясы жасалды.
Бұған дейін қаңтар айында Алматыда жүрек трансплантациясы жасалғанын жазған болатынбыз. 6 сағатқа созылған күрделі операция University Medical Center-мен бірлесіп белгілі кардиохирург Юрий Пяның жетекшілігімен жасалған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2227173-shymkenttik-ana-balasyna-bir-buiregin-berdi/