100-ге келген анасына еркелеген ақсақал желіде көптің ықыласына бөленді (видео)

Желіде егде жастағы қарияның анасына еркелеп отырған сәтінен бейнежазба тарады. Ана мен бала махаббаты көпті сүйсіндірді, деп хабарлайды KAZ.NUR.KZ.

Instagram желісіндегі видео авторы әжесінің 100-ге келгенін жазды.

"Осылай анаңыздың 100 жасын тойлауды нәсіп етсін. Бес мезгіл намазын қаза қылмаған апам менің, бізді жақсы тәрбиеледі. Отбасымызда бәріміз тура жолдамыз шүкір, баласын ғұсылсыз емізбеген аппақ әжемнің тәрбиесі", - деп жазды желі қолданушысы.

Желі қолданушылары видеоға пікір қалдырып, қарияларға ыстық ықыласын білдіріп, тілектерін жаудырды.

"Қандай бақытты жандар! Маған жұғысты болсыншы!", "Мен де бала-шағаммен осылай отыруды жазсын, әмин!", "Құдай маған да осылай балаларыммен отыруымды нәсіп етсін, әумин!", "Көріп бір жылап алдым ғой, менің де анашым осылай жүргенде ғой", - деп жазды олар.