Екібастұзда 140 ұпай жинаған түлекке кәсіпкер бес миллион теңге бермек

Екібастұзда 140 ұпай жинаған оқушыға жергілікті кәсіпкер бес миллион теңге бермек, деп хабарлайды Pavlodarnews.kz.

Кәсіпкер Мереке Байжан былтыр қараша айында өңір мектептерінің бірінде пән олимпиадасында жетістікке жеткен 11-сыныптың екі оқушысына 30 мың теңгеден стипендия тағайындаған болатын.

Басылымның жазуынша, бұл жолы да ол тамаша бастамасымен түлектерді білімге ерекше талпындырмақ. Мереке Байжан биылғы Ұлттық бірыңғай тестілеуде 140 ұпай жинаған мектеп түлегіне бес миллион теңгенің сертификатын тапсырмақ.

Еске салсақ, 1 наурыз көктемгі маусымдағы ҰБТ басталды, ол 6 сәуірге дейін жалғасады. Тестілеуге қатысуға 163 мыңға жуық адам өтініш білдірген.

Мәтіннен қате тапсаңыз, бізге жазыңыз