"Қатты жел тұрып, жауын жауады": 14 наурызда еліміздің әр өңірінде ауа райы қандай болады

"Қазгидромет" РМК ертең, 2025 жылдың 14 наурызында Қазақстанда күн райы қандай болатынын айтты, деп хабарлайды KAZ.NUR.KZ.

Синоптиктер антициклонның әсерінен еліміздің басым бөлігінде болатын жауын-шашынсыз ауа райы болатынын айтады.

"Қазақстанның солтүстігінде, солтүстік-батысында және орталығында ғана фронтальды бөліктердің әсерінен жаңбыр, қар түрінде жауын-шашын болады. Республика бойынша тұман, желдің күшеюі, көктайғақ сынды ортақ табиғи құбылыс тіркеледі, солтүстікте жаяу бұрқасын жүреді деп күтіледі. Жетісу облысындағы Алакөл көлдері ауданында оңтүстік-шығыстан соққан желдің екпіні 30 м/с және одан да асады деп болжанады", - дейді "Қазгидромет" мамандары.

Астанада - аспан бұлтты, күндіз жауын-шашын (жаңбыр, қар), көктайғақ болады. Оңтүстіктен соққан желдің екпіні - 9-14 м/с. Ауа температурасы түнде: -8...-10°C, күндіз шамамен: 0°C.

Алматыда - аспан бұлтты, күн райы жауын-шашынсыз. Оңтүстік-батыстан соққан желдің екпіні - 2-7 м/с. Ауа температурасы түнде: 0...-2°C, күндіз: +11...+13°C.

Шымкентте - күн райы жауын-шашынсыз, аспан бұлтты. Ауа температурасы түнде: +2...+4°C, күндіз: +17...+19°C.

Мәтіннен қате тапсаңыз, бізге жазыңыз