Астанада және еліміздің 13 өңірде қолайсыз ауа райына байланысты ескерту жасалды

Синоптиктер 15 наурызда Астанада және еліміздің13 өңірінде қолайсыз ауа райына байланысты ескерту жасады, деп хабарлайды "Қазгидромет"-ке сілтеме жасаған KAZ.NUR.KZ.

Қарағанды ​​облысының батысы мен солтүстігінде тұман түсіп, жолда көктайғақ болады. Астанада түнде қар жауады, көктайғақ болады, түнде және таңертең тұман түседі. Ақтөбе облысының солтүстігінде, шығысында, орталығында тұман, көктайғақ.

Батыс Қазақстан облысының батысында, солтүстігінде, шығысында тұман түседі. Жел оңтүстіктен, оңтүстік-батыстан соғады, түнде облыстың батысында, солтүстігінде екпіні секундына 15-20 метрге жетеді. Павлодар облысының батысында, оңтүстігінде тұман түседі. Күндіз жолдарда көктайғақ болады.

Ақмола облысының оңтүстігінде, шығысында қар жауады. Облыстың батысында, солтүстігінде, оңтүстігінде тұман түсіп, көктайғақ болады. Оңтүстік-батыстан, оңтүстіктен жел соғады, күндіз облыстың солтүстігінде екпіні секундына 15-20 метрге жетеді. Абай облысында жолдарда көктайғақ болады. Жел шығыстан, оңтүстік-шығыстан соғады, облыстың оңтүстігінде, орталығында екпіні 25 м/с-ке дейін жетеді.

Шығыс Қазақстан облысында жолдарда көктайғақ болады. Жел шығыстан, оңтүстік-шығыстан соғады, облыстың оңтүстігінде, орталығында екпіні 23 м/с-ке дейін жетеді. 

Атырау облысының батысында, оңтүстігінде тұман түседі. Солтүстік Қазақстан облысында күндіз батысында, солтүстігінде, оңтүстігінде жауын-шашын (жаңбыр, қар) жауады. Түнде облыстың шығысында, күндіз батысында, солтүстігінде, оңтүстігінде көктайғақ болады. Облыстың батысында, солтүстігінде тұман түседі. Оңтүстіктен, оңтүстік-батыстан жел соғады, күндіз облыстың батысында, солтүстігінде, оңтүстігінде екпіні секундына 15-20 метрге дейін жетеді.

Жамбыл облысының оңтүстігінде, таулы аудандарында найзағай ойнайды. Облыстың солтүстігінде, оңтүстігінде, таулы аудандарында тұман түседі. Солтүстік-шығыстан жел соғады, облыстың таулы аудандарында екпіні секундына 15-20 метрге дейін жетеді. Қызылорда облысының солтүстігінде, орталығында тұман түседі. Алматы облысының таулы аудандарында найзағай ойнайды, найзағай кезінде желдің екпіні секундына 15-20 метрге жетеді.

Қостанай облысында түнде облыстың батысында, солтүстігінде, күндіз облыстың солтүстік жартысында жаңбыр, қар жауады. Облыстың солтүстігінде, шығысында көктайғақ болып, облыстың басым бөлігінде тұман түседі. Оңтүстік-батыстан жел соғады, күндіз облыстың солтүстігінде, шығысында екпіні - 15-20 м/с. 

Мәтіннен қате тапсаңыз, бізге жазыңыз