"Бүгін кешкі сегіз жарымда жарықты сөндіріңіз": Экология министрлігі тұрғындарға маңызды үндеу жасады

Қазақстан Экология және табиғи ресурстар министрлігі ресми Telegram арнасында қазақстандықтарды 22 наурыз кешкі сағат 20:30-дан 21:30-ға дейін жарықты сөндіруге шақырды, деп хабарлайды KAZ.NUR.KZ.

"Құрметті қазақстандықтар!

22 наурыз күні сағат 20:30-дан 21:30-ға дейін бүкіл әлем бойынша "Жер сағаты" халықаралық экологиялық акциясы өтеді!

Бұл — климаттың өзгеруі мен қоршаған ортаны қорғау мәселелеріне назар аудартуға бағытталған әлемдік бастама. Осы бір сағатта миллиондаған адам жарықты және электр құрылғыларын өшіріп, табиғатқа жанашырлығын білдіреді.

️Сіздерді "Жер сағаты" акциясына қатысуға шақырамыз!

Үйіңіздегі жарықты сөндіріңіз, жақындарыңызбен бөлісіңіз — себебі табиғатты қорғау әрқайсымыздан басталады.

️Ұйымдар мен кәсіпорындарға да осы бастамаға қосылып, сағат 20:30 бен 21:30 аралығында ғимараттардың сыртқы жарықтандыруын (архитектуралық, декоративтік жарық) сөндіру ұсынылады", - делінген министрлік хабарламасында.

Мәтіннен қате тапсаңыз, бізге жазыңыз