Еліміздің екі облысында елді мекендерді су басуы мүмкін: синоптиктер ескерту жасады

"Қазгидромет" ауа райына байланысты бірқатар өңір тұрғындарына ескерту жасады. Солтүстік Қазақстан және Ақмола облыстарында су деңгейі көтерілуі мүмкін, деп жазады KAZ.NUR.KZ.

1-4 сәуір аралығында Есіл өзенінің жоғарғы ағысынан бүйірлік салалардың келуіне байланысты Ғ. Мүсірепов, Шал ақын, Есіл және Қызылжар аудандарында (Солтүстік Қазақстан облысы) су деңгейі көтерілуі ықтимал. Бұл ретте су деңгейі қауіпті деңгейден асып кетуі мүмкін. Соның салдарынан автожолдар, елді мекендер, тұрғын және шаруашылық құрылыстарға еріген қар сулары жайылып, су басуы мүмкін.

Ақмола облысында 1-4 сәуір аралығында күндізгі ауа температурасы 15-20 градусқа дейін көтерілуі мүмкін. Жаңбыр түріндегі жауын-шашын түсіп, өзендердегі мұздардың еруі жалғасады. Салдарынан облыс өзендерінде су деңгейі көтерілуі ықтимал. Су деңгейі қауіпті деңгейден асып кетуі мүмкін. Автожолдар, елді мекендер, тұрғын және шаруашылық құрылыстарға еріген қар сулары жайылып, су басуы мүмкін.

1 сәуірде Жетісу облысында шығыстан жел соғады, күндіз облыстың шығысында екпіні 15-20 м/с.

Мәтіннен қате тапсаңыз, бізге жазыңыз