"Су тасқынының алды алынды": Ақтөбе облысына барған әскери қызметшілер кері қайтты
Жарияланған күні:
Қорғаныс министрлігінің 58012 әскери бөлімі қызметшілері Ақтөбе облысындағы су тасқыны жағдайы тұрақталғаннан кейін кері қайтып жатыр. Бұл туралы KAZ.NUR.KZ ТЖМ баспасөз қызметіне сілтеме жасап хабарлайды.
Ақтөбе облысына өткел салуға көмекке барған әскерилер өз миссиясын аяқтады.
"Құтқарушылар, әскерилер және жергілікті атқарушы органдарының бірлескен күш-жігерінің арқасында су тасқынының алды алынып, жағдай тұрақталды.
Осыған байланысты 58012 әскери бөлімінің бөлімшесі өз миссиясын аяқтап, тұрақты орналасу орнына оралады. Әскери қызметкерлер мен техниканы теміржол вокзалынан салтанатты түрде шығарып салды", - делінген баспасөз хабарламасында.
Еске сала кетейік, бұған дейін Қонаев гарнизонындағы Қарулы күштердің инженерлік-саперлік бригадасының әскери қызметшілері Ойыл өзенінің бойындағы ауылдар арасына уақытша өткел салу үшін батыс өңірге аттанғанын хабарлаған едік.
Мақаланың түпнұсқасы: https://kaz.nur.kz/society/2232932-su-tasqynynyng-aldy-alyndy-aqtobe-oblysyna-bargan-qonaev-garnizonynyng-askeri-qyzmetshileri-keri-qaitty/
Жарияланымға реакцияңыз?
Мұнда әзірге ешкім пікір қалдырмады Тағы да оқыңыздар
Талқылауға қатысу немесе пікірлерге реакция қалдыру үшін профиліңізге кіріңіз.