Алматы облысында тұрғын үйден екі жылан табылды (видео)

Алматы облысы Алатау қаласына қарасты "Энергетик" саяжайында тұрғын үйден екі жылан табылды. Бұл туралы KAZ.NUR.KZ ТЖМ баспасөз қызметіне сілтеме жасап хабарлайды.

ТЖМ-ның Telegram-дағы ресми арнасының хабарлауынша, Алматы облысы Алатау қаласы "Энергетик" саяжайының тұрғыны 112 пультіне үйінде бауырмен жорғалаушылар жүргенін айтып қоңырау шалған.

"Құтқарушылар жедел келіп, арнайы құралдың көмегімен екі рептилияны ұстап алып, азаматтарға қауіп төндірмеу үшін оларды елді мекеннен алыс қауіпсіз жерге жіберді", - делінген хабарламада.

Бұл ретте ТЖМ жылан табылған кезде адамдарды орын-жайдан шығарып, құтқарушыларды шақыруды ұсынады. Жыланды өздігінен ұстау әрекеті қайғылы жағдайға әкелуі мүмкін дейді олар.

Мәтіннен қате тапсаңыз, бізге жазыңыз