Найзағай, жел: еліміздің 15 өңірінде күн бұзылады

Астанада және тағы 15 өңірде қолайсыз ауа райына байланысты ескерту жасалды, деп хабарлайды "Қазгидромет".

Жетісу облысының шығысында, таулы аудандарында күндіз найзағай ойнайды. Солтүстік-батыстан жел соғады, облыстың шығысында екпіні секундына 15-20 метрге жетеді.

Қостанай облысының батысында, оңтүстігінде тұман түседі.

Жамбыл облысының таулы аудандарында найзағай ойнайды. Облыстың оңтүстігінде, таулы аудандарында тұман түседі. Солтүстік-шығыстан жел соғады, облыстың таулы аудандарында 15-20 м/с күтіледі.

Қарағанды облысында түнде және таңертең тұман болады.

Шығыс Қазақстан облысының солтүстігінде, шығысында қатты жауын-шашын (көбінесе жаңбыр) күтіледі. Облыстың оңтүстігінде, батысында найзағай күтіледі. Жел оңтүстік-батыстан соғады, облыстың оңтүстігінде, шығысында 15-20 м/с.

Астанада түнде және таңертең тұман күтіледі

Ұлытау облысының солтүстігінде, шығысында, орталығында тұман күтіледі. 

Ақмола облысының батысында, оңтүстігінде, шығысында найзағай күтіледі. Түнде және таңертең тұман күтіледі. 

Ақтөбе облысының оңтүстік-шығыстан, оңтүстіктен жел соғады, облыстың оңтүстігінде, шығысында екпіні 15-20 м/с.

Батыс Қазақстан облысының батысында, оңтүстігінде, солтүстігінде найзағай күтіледі. Жел солтүстік-батыстан соғады, түнде облыстың батысында, солтүстігінде, оңтүстігінде екпіні 15-20 м/с. 

Қызылорда облысының батысында, солтүстігінде найзағай, дауыл күтіледі. Жел шығыстан соғады, облыстың солтүстігінде, орталығында екпіні 15-20 м/с шаңды дауылмен күтіледі.

Абай облысының солтүстігінде найзағай күтіледі. Жел солтүстік-батыстан соғады, облыстың солтүстігінде, оңтүстігінде, орталығында 15-20 м/с. 

Маңғыстау облысының солтүстік-шығысында, орталығында найзағай күтіледі. Түнде және таңертең облыстың оңтүстік-батысында тұман күтіледі. Солтүстік-батыстан, солтүстіктен жел соғады, түнде және таңертең облыстың батысында 15-20 м/с күтіледі.

Атырау облысында оңтүстік-шығыстан солтүстік-батысқа ауысып жел соғады, облыстың солтүстігінде, батысында, оңтүстігінде екпіні 15-20 м/с. 

Павлодар облысының оңтүтігінде, шығысында тұман күтіледі.

Солтүстік Қазақстан облысының батысында, солтүстігінде, оңтүстігінде тұман күтіледі. 

Мәтіннен қате тапсаңыз, бізге жазыңыз