Қазақстанда жеке кәсіпкерлікті тіркеу қиындайды

Мәжілістің жалпы отырсында жаңа Салық кодексінің жобасындағы негізгі түзетулер туралы баяндама жасаған ұлттық экономика министрі Серік Жұманғарин бұдан былай елде жеке кәсіпкерлікті тіркеу қиындайтынын мәлімдеді, деп хабарлайды KAZ.NUR.KZ тілшісі.

"Жеке кәсіпкерлік ашуды түрлі тәсілдермен қатаңдатамыз. Тиісті нормативтік-құқықтық актілер дайын - бұрын заңбұзушылыққа жол бергендерге, жұмыс істемейтін қосымша жеке кәсіпкерлігі бар азаматтарға жаңа жеке кәсіпкерлік тіркеу тәртібі күрделенеді", - деді премьер-министрдің орынбасары Серік Жұманғарин.

Айта кетейік, үкімет депутаттардың қосымша құн салығы бойынша тіркеу шегін арттыру туралы ұсынысын қабылдады. Жаңа Салық кодексінің жобасында қосымша құн салығының шегі 40 миллион теңгені құрайды.