Шымкентте жаңа университет ашылады

Шымкент қаласында Мәдениет және өнер университетін ашылады, деп хабарлайды Ақордаға сілтеме жасаған KAZ.NUR.KZ.

Президенттің баспасөз қызметінің мәліметінше, мемлекет басшысы жұртшылықтың Шымкент қаласында Мәдениет және өнер университетін ашу жөніндегі ұсынысын қолдаған.

Сондай-ақ қала әкімі Ғабит Сыздықбеков пен Мәдениет және ақпарат министрі Аида Балаеваға тиісті тапсырма берген.

Айта кетейік, бүгін мемлекет басшысы Шымкент қаласына жұмыс сапарымен келді. Бірқатар нысанның жұмысымен танысқан Қасым-Жомарт Тоқаев жергілікті қауым алдында сөз сөйледі.

Жұртшылық алдында сөйлеген сөзінде президент әлем бетпе-бет келіп отырған жаңа сын-қатерлерге, сондай-ақ жаңа Салық кодексіне қатысты пікір білдірді.