Алматы облысында ауданның экс-әкіміне қатысты тергеу аяқталды
Опубликовано:
Алматы облысы Іле ауданының бұрынғы әкімі Бағдат Қарасаевқа қатысты тергеу аяқталып, қылмыстық іс аудандық сотқа жіберілді, деп хабарлайды Kazinform.
Бұл туралы ақпарат агенттігіне Алматы облысының прокуратурасы хабарлады.
"Сыбайлас жемқорлыққа қарсы іс-қимыл агенттігінің Алматы облысы бойынша департаменті Б.Ә. Қарасаевқа қатысты және Қылмыстық кодекстің 189, 190, 324, 361, 362, 364, 369 баптары бойынша басқа да адамдарға қатысты сотқа дейінгі тергеуді аяқтағанын хабарлаймыз. 2025 жылдың 31 наурызында қылмыстық іс Қылмыстық іс жүргізу кодексінің 305-бабының тәртібімен мәні бойынша қарау үшін Алматы облысы Іле аудандық сотына жолданды", - делінген облыстық прокуратураның агенттік сауалына берген жауабында.
Еске сала кетейік, Бағдат Қарасаев 2024 жылы қыркүйекте ұсталғаны туралы хабарланды.
Кейін Cыбайлас жемқорлыққа қарсы іс-қимыл агенттігі Алматы облысы Іле ауданының әкімі Бағдат Қарасаевтың ұсталуына қатысты мән-жайды баяндады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2238477-almaty-oblysynda-audannyng-eks-akimine-qatysty-tergeu-aiaqtaldy/