"Найзағай, бұршақ, шаңды дауыл": сенбі күні ел өңірлерінде ауа райы қандай болады

Синоптиктер ертең, 26 сәуірде еліміздің бірнеше өңір тұрғындарына ескерту жасады. Кей облыстарда бұршақ түсіп, қатты жауын-шашын болады. Ал кей өңірде найзағай ойнап, шаңды дауыл тұрады, деп жазады "Қазгидромет".

Солтүстік Қазақстан облысында күндіз батысында, солтүстігінде найзағай, бұршақ, шығысында шаңды дауыл күтіледі. Оңтүстік-батыстан жел соғады, түнде облыстың батысында, солтүстігінде екпіні 15-20 м/с, күндіз 15-20, екпіні 23-28 м/с. Петропавл қ.: 26 сәуірде күндіз найзағай күтіледі. Оңтүстік-батыстан жел соғады соғады, түнде екпіні 15-20, күндіз 15-20, екпіні 23-28 м/с.

Астанада оңтүстіктен, оңтүстік-батыстан жел соғады, күндіз екпіні 15-20 м/с күтіледі.

Өскемен қаласы бойынша, күтіліп отырған қолайсыз метеорологиялық жағдайларға байланысты, ҚМЖ туралы екінші дәрежелі ескертуі сақталады.

Алматы облысының таулы аудандарында найзағай күтіледі. Шығыстан, оңтүстік-шығыстан жел соғады, күндіз облыстың таулы аудандарында екпіні 15-20 м/с.

Шығыс Қазақстан облысында түнде жауын-шашын, облыстың шығысында қатты жауын-шашын (жаңбыр, қар) күтіледі. Ауа температурасының түнде 0-5 жылы, облыстың батысында, оңтүстігінде 3 градус үсікке дейін, күндіз 13-18, облыстың шығысында 10 градус жылыға дейін күрт төмендеуі күтіледі.

Ұлытау облысында оңтүстік-шығыстан, оңтүстіктен жел соғады, таңертең және күндіз облыстың солтүстігінде, шығысында, орталығында екпіні 15-18 м/с. Жезқазған қ.: 26 сәуірде оңтүстік-шығыстан, оңтүстіктен жел соғады, күндіз екпіні 15 м/с.

Ақмола облысының батысында, солтүстігінде найзағай, күндіз бұршақ күтіледі. Оңтүстіктен, оңтүстік-батыстан жел соғады, түнде облыстың солтүстігінде, батысында екпіні 15-20 м/с, күндіз 15-20 м/с күтіледі. Көкшетау қ.: 26 сәуірде күндіз найзағай күтіледі. Оңтүстіктен, оңтүстік-батыстан жел соғады, таңертең және күндіз екпіні 15-18 м/с күтіледі.

Қарағанды облысында оңтүстік-шығыстан, оңтүстіктен жел соғады, таңертең және күндіз облыстың батысында, солтүстігінде, шығысында екпіні 15-18 м/с. Қарағанды қ.: 26 сәуірде оңтүстік-шығыстан, оңтүстіктен жел соғады, күндіз кей уақыттарда екпіні 15 м/с.

Ақтөбе облысының солтүстігінде, күндіз оңтүстігінде батысында, шығысында найзағай күтіледі. Батыстан, оңтүстік-батыстан жел соғады, күндіз облыстың оңтүстігінде екпіні 15-20 м/с.

Жамбыл облысының таулы аудандарында найзағай күтіледі. Облыстың таулы аудандарында тұман күтіледі. Солтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с күтіледі.

Жетісу облысының таулы аудандарында күндіз найзағай күтіледі. Шығыстан жел соғады, облыстың шығысында екпіні 15-20 м/с.

Маңғыстау облысының батысында, солтүстігінде, оңтүстігінде найзағай күтіледі. Облыстың солтүстік-батысында тұман күтіледі. Солтүстік-шығыстан соғатын жел солтүстік-батысқа ауысады, күндіз облыстың солтүстігінде 15-20 м/с күтіледі. Облыстың солтүстік-шығысында, шығысында жоғары өрт қаупі күтіледі.