Мәскеуде өтетін Жеңіс парадына Қазақстан Қарулы күштерінің қай бригадасы қатысады (видео)
Опубликовано:
Бүгін Мәскеудегі Қызыл алаңда өтетін Жеңіс парадына Қазақстан Қарулы күштерінің атынан Панфилов атындағы 37-ші десанттық-шабуылдау бригадасының әскери қызметшілері қатысады, деп хабарлайды KAZ.NUR.KZ.
"Ұжымдық қауіпсіздік туралы шарт ұйымының Жедел ден қою ұжымдық күштерінің құрамына кіретін және тұрақты жауынгерлік әзірліктегі әскери құрамасы – Десанттық-шабуылдау әскерлерінің Кеңес Одағының Батыры генерал-майор Иван Панфилов атындағы 37-ші десанттық-шабуылдау бригадасының есептобы Жеңіс парадына Қазақстан армиясының атынан қатысады", - деп хабардар еткен еді Қорғаныс министрлігінің өкілдері.
Сондай-ақ министрлік Қызыл алаңда әскери шеруге дайындалып жатқан қазақстандық десантшылардың видеосын жариялаған болатын.
Айта кетейік, 8 мамырда президент Қасым-Жомарт Тоқаев Ұлы Жеңістің 80 жылдығына арналған іс-шараларға қатысу үшін Ресейге барды.
Сапар аясында мемлекет басшысы Сербия президенті Александр Вучичпен, Венесуэла президенті Николас Мадуромен және Мьянма премьер-министрі Мин Аун Хлайнмен кездесу өткізді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2243343-maskeude-otetin-zhengis-paradyna-qazaqstan-qaruly-kushterining-qai-brigadasy-qatysady/