Тоқаев Ұлы Жеңістің 80 жылдығына арналған іс-шараларға қатысу үшін Ресейге барды (фото, видео)

Мемлекет басшысы Қасым-Жомарт Тоқаев президент Владимир Путиннің шақыруымен Ұлы Жеңістің 80 жылдығына арналған іс-шараларға қатысу үшін Ресейге барды. Бұл туралы Ақордаға сілтеме жасаған KAZ.NUR.KZ.

Ақорданың баспасөз қызметінің мәліметінше, президент бүгін Мәскеуде бірқатар шет мемлекет басшыларымен кездесу өткізеді. 

Естеріңізге сала кетейік, 7 мамырда Астанада Ұлы Жеңістің 80 жылдығына арналған әскери парад өтті. Парадқа Қазақстан Қарулы күштері құрамында және басқа да құрылымдарда қызмет ететін 4 мыңнан аса адам қатысты. Сондай-ақ 200-ден аса әскери қару-жарақ пен техника, 66 әскери авиация ұшағы мен тікұшағы көрсетілді.

Салтанатты іс-шараға елімізге мемлекеттік сапармен келген Вьетнам Коммунистік партиясы Орталық комитетінің бас хатшысы То Лам құрметті қонақ ретінде қатысты.