Атырауда кәсіпкерден ақша бопсалады деген күдікпен екі адам ұсталды

Атырауда кәсіпкерден 2 млн теңге бопсалады деген күдікпен екі адам ұсталды, деп хабарлайды Polisia.kz-ке сілтеме жасаған KAZ.NUR.KZ.

Ақпараттық медиапорталдың жазуынша, 33 жастағы видеоблогер мен 39 жастағы қала тұрғыны ұсталып, уақытша ұстау изоляторына қамалған.

"Олар жеке кәсіпкерден 2 миллион теңге қорқытып алды деген күдікке ілінді. Сондай-ақ тінту шаралары кезінде полиция қызметкеріне күш қолданған.

Қазіргі уақытта күдіктілерге қатысты қорқытып алу және билік өкіліне күш көрсету әрекеттері бойынша қылмыстық іс қозғалып, тергеу амалдары жүргізілуде", - деп жазады басылым.

Сондай-ақ басылым басқа ақпарат тергеу мүддесіне сай жария етілмейтінін мәлім етті.