Қазақстанның ірі қалаларында әуежайдан орталыққа қатынайтын түнгі автобустар іске қосылады

Қазақстанның ірі қалаларында әуежайлар мен қала орталығы арасында түнгі экспресс-маршруттарды іске қосу жоспарланып отыр, деп хабарлайды KAZ.NUR.KZ үкіметтің баспасөз қызметіне сілтеме жасап.

Бұл туристердің жайлылығы мен қауіпсіздігін арттыру мақсатында қолға алынған.

Туризм және спорт министрінің айтуынша заңсыз такси қызметтері – кең таралған мәселе.

Сондай-ақ ірі халықаралық қалалардағы секілді түнгі уақытта әуежайдан қала орталығына автобус қатынасы жоқ. Бұл мәселені шешу үшін түнгі экспресс-маршруттарды іске қосу ұсынылады.

"Халықаралық әуежайларда QR-код жүйесі енгізілді. Онда сенімді такси, қонақүйлер, электронды сим-карталар мен туристік нысандар туралы ақпарат көрсетіледі. Әкімдіктер бұл жұмысты тұрақты түрде қадағалап, түсіндіру жұмыстарын жүргізіп отыруы керек. Қажет болса, заң бұзушыларға қатысты жауапкершілікті күшейту мүмкіндігі де қарастырылуы қажет", - делінген хабарламада.

Мәтіннен қате тапсаңыз, бізге жазыңыз