Аптап ыстық, бұршақ, шаңды дауыл: демалыс күндері ел аумағында күн райы қандай болады
Опубликовано:
Синоптиктер алдағы демалыс күндері ел аумағында күн райы қандай болатынын болжады, деп хабарлайды "Қазгидромет" РМК-ға сілтеме жасаған KAZ.NUR.KZ.
Метеорологтардың мәліметінше, демалыс күндері Қазақстан аумағындағы бұлтты, ашық ауа райы күтіледі. Кей жерлерде жаңбыр жауып, найзағай ойнауы мүмкін.
Мәселен, Солтүстік-батыста, солтүстікте және республиканың орталығында қатты жаңбыр, бұршақ жауып, дауыл тұруы ықтимал.
Сондай-ақ демалыс күндері республика бойынша желдің күшеюі күтіледі, оңтүстікте шаңды дауыл тұруы мүмкін.
Ауа температурасының жалпы фонында айтарлықтай өзгерістер күтілмейді. Шығыста және оңтүстік-шығыста 42°С-қа дейін аптап ыстық сақталады.
Айта кетейік, бұған дейін "Қазгидромет" синоптиктері тамызда Қазақстанның қай өңірлерінде құрғақшылық күтілетінін болжаған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2268840-aptap-ystyq-burshaq-shangdy-dauyl-demalys-kunderi-el-aumagynda-kun-raiy-qandai-bolady/