Қарағандыда ғимараттың бір бөлігі опырылып түсті (видео)

Қарағандыда құрылысшылар жұмыс істеп жатқан ғимараттың бір бөлігі опырылып түсті. Құтқарушылар 15 адамды қауіпсіз жерге көшірілді, деп хабарлайды өңірлік ТЖД-ға сілтеме жасаған KAZ.NUR.KZ.

Ведомствоның баспасөз қызметінің хабарлауынша, 29 шілдеде 15:45-те Қазыбек би атындағы ауданда Ерубаев көшесінде пайдаланылмай жатқан 4 қабатты ғимараттың бір бөлігі опырылған.

Бұған дейін онда банк орналасқан. Ғимарат "Bolashaq" Академиясының корпусының ғимаратына жапсарлас орналасқан, бірақ оның балансындағы нысандар қатарына жатпайды.

Шатырдың ағаш торламасы,үшінші және бірінші қабаттар арасындағы жабындар, ауданы алдын ала дерек бойынша 150 шаршы метр болатын баспалдақ алаңы опырылған.

ТЖД күштерімен ғимараттан 15 адам қауіпсіз жерге көшірілді. Олар - жөндеу бригадасы. Ғимаратта адамның бар-жоғы тексерілді. Ғимараттың опырылуынан зардап шеккендер жоқ екені анықталды.

Мәтіннен қате тапсаңыз, бізге жазыңыз