Қазақстан-Қытай шекарасы уақытша жабылды
Жарияланған күні:
Бүгіннен бастап Қазақстан-Қытай шекарасы уақытша жабылды, деп хабарлайды Қаржы министрлігінің Мемлекеттік кірістер комитетіне сілтеме жасаған KAZ.NUR.KZ.
"Қытай Халық Республикасының Құрылған күніне (2025 жылғы 1-3 қазан) және Күздің ортасы мерекесіне (2025 жылғы 6 қазан) орай Қазақстан-Қытай мемлекеттік шекарасындағы автомобиль өткізу пункттерінің жұмысы уақытша тоқтатылады.
Аталған күндері жеке тұлғалар, автокөлік құралдары мен жүктердің өткізілуі жүзеге асырылмайды", - делінген хабарламада.
Комитеттің мәліметінше, теміржол өткізу пункттері штаттық режимде жұмысын жалғастырады, бұл көлік-логистикалық байланыстың тұрақтылығын қамтамасыз етеді.
"Комитет тасымалдаушыларды, сыртқы экономикалық қызметке қатысушыларды және азаматтарды өз бағыттарын жоспарлау кезінде енгізілген шектеулерді ескеруге және тасымалдау кестелерін алдын ала түзетуге шақырады", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2292298-qazaqstan-qytai-shekarasy-uaqytsha-zhabyldy/