"Болашақ" бағдарламасы арқылы оқығысы келетін қазақстандықтарға маңызды ескерту жасалды

"Халықаралық бағдарламалар орталығы" АҚ "Болашақ" бағдарламасына қатысты алаяқтық фактілері туралы ескертеді, деп хабарлайды орталыққа сілтеме жасаған KAZ.NUR.KZ.

Орталықтың мәліметінше, кейінгі уақытта белгісіз тұлғалар өздерін "Халықаралық бағдарламалар орталығы" АҚ-ның қызметкерлері ретінде таныстырып, ақша аударуды талап ету немесе "Болашақ" және "Ғылыми тағылымдамалар" бағдарламаларына құжат тапсыру барысында ақылы "көмек" көрсетуді ұсыну жағдайлары тіркелуде.

"Барлық қызмет тек орталықтың қызметкерлері арқылы және әрдайым тегін көрсетілетінін ерекше атап өтеміз. Қызметкерлер тек @bolashak.gov.kz. домені бар корпоративтік электронды пошта мекенжайларын қолданады.

Сіздерден барынша сақ болып, бөгде адамдардың ұсыныстарына сенбеуді және тек ресми ақпарат көздеріне жүгінуді сұраймыз", - делінген хабарламада.

Орталық өкілдері барлық ресми ақпарат келесі ресми ресурстарда жарияланатынын еске салды:

• сайт: bolashak.gov.kz;
• Instagram: @bolashak.cip;
• Telegram-арна: BOLASHAK NEWS.

Мәтіннен қате тапсаңыз, бізге жазыңыз