"Бурабай" ұлттық паркінің аумағына автокөлікпен кіру тарифі өзгерді

Жарияланған күні:5 қаңтар 2026, 16:37

"Бурабай" табиғи паркі. Иллюстрациялық фото: kiwisoul/Getty Images

АЕК-тің өсуіне байланысты "Бурабай" ұлттық паркінің аумағына автокөлікпен кіру тарифі өзгерді, деп хабарлайды KAZ.NUR.KZ.

Тарифтің өзгертілгені туралы жаңалық ұлттық парктің Instagram-дағы ресми аккаунтында жарияланды.

"Бурабай" мемлекеттік ұлттық табиғи паркінің дирекциясы 2026 жылы парк аумағына автокөлік құралдарының кіруіне арналған тарифтердің өзгертілгенін хабарлайды. Тарифтер айлық есептік көрсеткіштің (АЕК) мөлшерінің өзгеруіне байланысты қайта қаралды", - делінген хабарламада.

"Бурабай" аумағына кіруге арналған тариф. Фото: instagram.com/parkburabay

Айта кетелік, бұған дейін ҚҚС мөлшерінің ұлғаюына байланысты Алматының ботаникалық бағына кіру билетінің бағасы өскенін жазған едік.

Мәтіннен қате тапсаңыз, бізге жазыңыз