Алматы әуежайы жолаушыларға үндеу жасады

Алматы әуежайы алдағы күндері төлқұжат тексеру аймағында техникалық жұмыстар жүргізілетінін ескертті. Осыған байланысты әуежай өкілдері жолаушыларды қарбалас кезінде кезекте көп тұрып қалмау үшін әуежайға ертерек келуді ұсынды, деп хабарлайды KAZ.NUR.KZ.

Алматы әуежайының баспасөз қызметінің мәліметінше, бүгін, 9 сәуірден бастап 10 күн бойы Т2 терминалының ұшу қабатында, паспорт тексеру аймағына жақын жерде, төбеде жөндеу жұмыстары жүргізіледі.

Жөндеу жұмыстары таңғы 9:00-ден кешкі 19:00-ге дейін жалғасады. Бұл ретте жолаушылардың кіруі және өтуі қамтамасыз етіледі.

"Уақытша қолайсыздықтар үшін кешірім сұраймыз. Аталған жұмыстар – терминалдың жайлылығын арттыруға бағытталған жоспарлы шаралардың бөлігі. Жол жүруді жоспарлау кезінде осы ақпаратты ескеруіңізді сұраймыз, себебі қарбалас сағаттарда кезек пайда болуы мүмкін", - делінген хабарламада.

Мәтіннен қате тапсаңыз, бізге жазыңыз