Қазақстандықтардың жеке деректері алаяқтардың қолына тағы түскен

Жасанды интеллект және цифрлық даму вице-министрі Ростислав Коняшкин Қазақстан азаматтарының жеке деректерінің тағы да тарап кетуіне қатысты пікір білдірді, деп хабарлайды KAZ.NUR.KZ тілшісі.

Үкіметтегі брифингте журналистер жақында Қазақстан азаматтарының жеке деректері интернетте сатылып жатқаны, сатып алушылардың арасында микроқаржы ұйымдары мен коллекторлар бар екені туралы жаңа ақпарат тарағанын атап өтті.

БАҚ өкілдерінің мәліметінше, Кибершабуылдарды талдау және тергеу орталығы бұған дейін қылмыстық іс бойынша айыпталушылар заңсыз алынған ақпаратты интернетте сатып жүргенін хабарлаған. Сондықтан журналистер аталған топ құрамында кімдер бар екенін және олардың Қазақстан азаматтарының жеке деректерін қалай алғанын сұрады.

"Қазіргі уақытта тергеу шаралары жүргізілуде, сондықтан ешқандай ақпарат жариялай алмаймыз. Тергеу аяқталғаннан кейін және қажетті шаралар қабылданғаннан кейін тиісті ақпарат жарияланады деп ойлаймын. Өкінішке қарай, мен сізге қазір ештеңе айта алмаймын", - деді Ростислав Коняшкин.

Оның айтуынша, жеке деректерді заңсыз жинау фишинг сілтемелері, телефон қоңыраулары немесе QR кодтар арқылы жүзеге асырылады.

"Біз, министрлік ретінде, жеке деректердің қауіпсіздігін қамтамасыз етуге қойылатын талаптарды белгілейміз. Қазіргі уақытта ақпараттық жүйелердің қауіпсіздігін қамтамасыз етпегені үшін, соның ішінде жеке деректерге қатысты заңсыз әрекеттер үшін жазаны күшейту бойынша жан-жақты жұмыс істеп жатырмыз.

Айыппұлдарды өсірдік, бұған дейін де олар бірнеше есеге өсті. Бұл бағытта жұмыс істей береміз, соның ішінде жеке деректердің тарап кетуінің алдын алу шараларын қабылдамағаны үшін қылмыстық жауапкершілікті қоса алғанда, қатаң жазаларды қарастырамыз", - деді ол.

Мәтіннен қате тапсаңыз, бізге жазыңыз