Бакуге бет алған ұшақ Қазақстаннан шұғыл қайтуға мәжбүр болды

Бүгін, 3 мамырда Новосибирскіден Бакуге бет алған ұшақ Қазақстанға жете бере, кері қайтуға мәжбүр болды. Оған жолаушылардың бірінің жағдайы нашарлауы себеп болған.

Mash Telegram-арнасының хабарлауынша, S7 әуекомпаниясының ұшағы төтенше жағдай орын алуы салдарынан Қазақстан үстінен ұшып бара жатып, кері қайтуға мәжбүр болған. Оған жолаушылардың бірінің жағдайы күрт нашарлап кетуі себеп болған.

Рен ТВ дерегінше, S7 баспасөз қызметі жайтты және оның жоспардан тыс Омскіге қонғанын растаған.

"Новосибирскіден Бакуге бет алған S7 5579 рейсі расымен де жолаушының жағдайы нашарлап кеткендіктен жоспардан тыс Омскіге қонды", - делінген хабарламада.

Омск әуежайында жағдайы нашарлаған жолаушыны жедел жәрдем көлігіне тапсырғаны белгілі болды. Қазіргі таңда ұшақты қайта ұшып шығуға дайындап жатыр.

Мәтіннен қате тапсаңыз, бізге жазыңыз