Жаңбыр, - 6 градусқа дейін үсік: демалыс күндері Қазақстанда күн райы қандай болады

Синоптиктер 9-11 мамыр аралығында Қазақстанда ауа райы қандай болатынын айтты, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, алдағы күндері ел аумағының басым бөлігінде күн райының тұрақсыз сипаты сақталады – жаңбыр, найзағай күтіледі.

9 мамырда Қазақстанның оңтүстік-батысында, солтүстік-батысында және солтүстігінде, ал 10-11 мамыр күндері шығыс, оңтүстік және оңтүстік-шығыс өңірлерде қатты жаңбыр жаууы ықтимал.

Кей жерлерде бұршақ түсіп, екпінді жел соғуы мүмкін. Республика бойынша желдің күшеюі күтіледі, оңтүстік өңірлерде шаңды дауыл тұрып, түнгі және таңертеңгі сағаттарда тұман түсуі ықтимал.

Сондай-ақ ел аумағында ауа температурасының біртіндеп төмендеуі күтіледі. 11 мамырда республиканың солтүстік жартысында түнгі уақытта -1...-6 градусқа дейін үсік жүруі мүмкін.

Күндіз ауа температурасы:

• батыста +13…+28°С;
• солтүстік-батыста +10…+18°С;
• солтүстікте +5…+13°С;
• орталықта және шығыста +8…+18°С;
• оңтүстікте +17…+26°С;
• оңтүстік-шығыста +15…+22°С;
• таулы аудандарда +8…+13°С шамасында болады.

Мәтіннен қате тапсаңыз, бізге жазыңыз