MacCoffee өнімдері Қазақстанда өндіріледі: елдегі мамандарға бос жұмыс орындары ашылды

Қазақстанда MacCoffee бренді өнімдерінің өндірісі іске қосылмақ. "Қорғас – Шығыс қақпасы" арнайы экономикалық аймағында Empire Manufacturing Kazakhstan жаңа зауытының ашылуына дайындық жүргізілуде. Бұл жоба елдің өндірістік сектордағы маңызды инвестициялық жобалардың біріне айналмақ, деп хабарлайды MacCoffee.

Кәсіпорын Қазақстандағы MacCoffee өнімдерін шығаратын алғашқы зауыт әрі Food Empire холдингінің әлем бойынша тоғызыншы өндірістік алаңы болады.

Зауыттың іске қосылуы Қазақстан үшін маңызды үрдісті көрсетеді: халықаралық компаниялар елді тек өткізу нарығы ретінде ғана емес, толыққанды жергілікті өндірісті дамыту алаңы ретінде де қарастырып келеді. Food Empire үшін бұл — Орталық Азия мен ТМД елдеріндегі тұтынушыларға жақын болу, сұранысқа жедел әрекет ету және өнімдерді өңірлік талғамға бейімдеу мүмкіндігі.

Жаңа өндірістік кешен заманауи еуропалық жабдықтармен қамтылған және жылына 20 000 тоннадан астам өнім өндіруге қауқарлы төрт өндірістік желіден тұрады. Мұнда MacCoffee және MacTea сауда белгілерімен "3-in-1" форматындағы еритін кофе мен шай шығарылатын болады.

Ішкі нарықты қамтамасыз етумен қатар, кәсіпорын ТМД елдеріне өнім жеткізетін өңірлік экспорттық хаб қызметін атқаратын болады. Осылайша Қазақстан Food Empire халықаралық өндірістік және логистикалық жүйесінің маңызды бөлігіне айналады.

Зауыттың алдағы ашылуы еңбек нарығы үшін де маңызды. Жоба аясында 300-ге дейін жұмыс орны ашылады деп жоспарлануда. Қазіргі таңда кәсіпорынға өндірістік персоналдан бастап техникалық қызметкерлерге, сапа бақылау мамандарына, логистика, қойма шаруашылығы, инженерия және әкімшілік қолдау саласындағы мамандарға дейін түрлі бағыттағы қызметкерлер қажет.

Жұмыс іздеушілер үшін бұл — Қазақстанда өндірісті ұзақ мерзімді негізде дамытып отырған ірі халықаралық компанияда тұрақты жұмысқа орналасу мүмкіндігі. Жаңа зауыттағы жұмыс заманауи өндірістік процеске қатысуға, кәсіби дағдыларды дамытуға және ірі FMCG-корпорация аясында мансаптық дамуға жол ашады.

Компания өкілдерінің айтуынша, жергілікті команданы дамыту — жобаның маңызды бөлігі. Кәсіпорынды іске қосуға дайындық тек жабдықтар мен инфрақұрылымға салынған инвестиция ғана емес, сонымен қатар өңірдің кадрлық әлеуетін қалыптастыруға қосылған үлес болып табылады.

Food Empire холдингі 1982 жылы Сингапурда құрылған және бүгінде әлемнің 60-тан астам елінде жұмыс істейді. Компания портфелінде 200-ден астам өнім түрі бар, ал MacCoffee бренді Орталық Азия мен ТМД нарығындағы "3-in-1" еритін кофе сегментінде берік орныққан.

Қазақстанда MacCoffee бренді өндірісінің іске қосылуы елдің өңірдегі негізгі өндірістік орталықтардың бірі ретіндегі мәртебесін нығайтып, экономика, экспорт және жұмыспен қамту салаларында жаңа мүмкіндіктер ашады.

Жұмысқа қызығушылық танытқан үміткерлер түйіндемелерін жолдап немесе төмендегі байланыс нөмірлері арқылы қосымша ақпарат ала алады:

Телефон: +7 707 172 4730 Email: hr@emkz.kz

Мәтіннен қате тапсаңыз, бізге жазыңыз