Қазақстаннан Токио мен Нью-Йоркке тікелей әуе рейстері қашан ашылады

Көлік министрі Нұрлан Сауранбаев бүгін министрлер кабинетінің отырысында АҚШ пен Жапонияға тікелей әуе рейстері қашан ашылатынын айтты, деп хабарлайды KAZ.NUR.KZ.

Олжас Бектенов Токио мен Нью-Йоркке жаңа тікелей әуе рейстерін ашу бірнеше жылдан бері талқыланып келе жатқанын еске салды. Дегенмен ол әзірге ешқандай нәтиже шықпағанына баса назар аударып, бұл тұрғыда бүгінде не істеліп жатқанын сұрады.

"Токиоға рейстер биыл төртінші тоқсанда, ал Америка Құрама Штаттарына келесі жылдың екінші тоқсанында ашылады. Қазіргі уақытта Астанадан басқа бағыттарға 34 халықаралық рейс орындалады. Жыл соңына дейін тағы бесеуін іске қосу жоспарланып отыр", - деп жауап берді Нұрлан Сауранбаев.

"Бұл тек сөз жүзінде қалып қоймасын", - деп қосты Бектенов.

Министрлік басшысы, сондай-ақ Қазақстандағы ішкі әуе рейстерінде биометрия енгізілетіні жөнінде мәлімдеме жасады.

Мәтіннен қате тапсаңыз, бізге жазыңыз