Ақтөбеде пакет ішінен нәресте табылды: мән-жайлар айтылды

Ақтөбеде пакет ішінен табылған нәрестенің оқиғасына қатысты жаңа деректер белгілі болды. Пакетті бірінші болып 11 жастағы жасөспірім ескі гараждар маңындағы ағаш түбінен тауып алыпты, деп хабарлайды "Мой город".

Жасөспірім қыз бірден ата-анасына хабарлаған, ал ата-анасы полиция шақырыпты. Ал пакеттен жаңа туған сәби мен оның жолдасы шыққан.

Нәресте қалалық балалар ауруханасына жеткізілді.

"23 мамырда, сенбі күні қалалық ауруханаға пакетке салынған нәресте жолдасымен бірге жеткізілді. Сәбиге салқын тиген, ол бірден жансақтау бөліміне жеткізіліп, қажетті ем-дом жасалды. Қазіргі таңда баланың жағдайы тұрақты", - дейді Ақтөбе облысы Денсаулық сақтау басқармасы басшысының орынбасары Айгүл Аманжолова.

Еске салсақ, бұған дейін Ақтөбеде қоқыстан нәресте салынған пакет табылғанын жазған едік.

Мәтіннен қате тапсаңыз, бізге жазыңыз