Нөсер, бұршақ, найзағай: еліміздің бірқатар өңірінде ауа райына байланысты ескерту жарияланды

"Қазгидромет" өкілдері Қазақстанның 16 өңірінде 30 мамырдағы ауа райына байланысты ескерту жариялады, деп хабарлайды KAZ.NUR.KZ.

Синоптиктердің мәліметінше, бірқатар облыста найзағай жарқырап, жаңбыр жауады, кей жерлерде нөсер, бұршақ және екпінді жел күтіледі. Жекелеген аймақтарда шаңды дауыл, тұман, аптап ыстық пен қатты жел болжанып отыр. Сонымен қатар жоғары және төтенше өрт қаупі сақталады.

Ақмола облысының батысы мен солтүстігінде жаңбыр жауып, найзағай болады. Оңтүстік, оңтүстік-шығыстан соққан желдің екпіні облыстың батысында, оңтүстігінде және орталығында секундына 15–20 метрге жетеді. Батыс бөлікте жоғары өрт қаупі сақталады. Көкшетауда түнде және таңертең жаңбыр жауып, найзағай ойнайды.

Солтүстік Қазақстан облысының батысында, солтүстігінде және оңтүстігінде жаңбыр, найзағай және дауыл күтіледі, күндіз бұршақ жаууы мүмкін. Түнде және таңертең оңтүстікте тұман түседі. Оңтүстік, оңтүстік-шығыстан соққан желдің екпіні түнде облыстың батысында, солтүстігінде және оңтүстігінде секундына 15–20 метрге дейін жетсе, күндіз де осы деңгейде сақталады. Солтүстік-шығыста жоғары өрт қаупі сақталады. Петропавлда жаңбыр жауып, найзағай болады, күндіз бұршақ пен дауыл күтіледі. Желдің екпіні күндіз секундына 15–20 метрге жетеді. Қалада да жоғары өрт қаупі сақталады.

Қостанай облысының батысында, солтүстігінде және шығысында жаңбыр, найзағай, кей уақытта қатты жаңбыр күтіледі, күндіз бұршақ пен дауыл болуы мүмкін. Оңтүстік-батыстан соғып, кейін оңтүстік-шығысқа ауысатын желдің екпіні секундына 15–20 метрге жетіп, кей сәтте 23 метрге дейін күшеюі ықтимал. Облыс аумағында жоғары өрт қаупі сақталады. Қостанай қаласында жаңбыр жауып, найзағай болады, кей уақытта қатты жаңбыр күтіледі. Таңертең және күндіз желдің екпіні секундына 15–20 метрге дейін жетеді.

Қарағанды облысының батысында таңертең және күндіз оңтүстік-шығыс желі секундына 15 метрге дейін күшейеді. Облыстың орталығында жоғары өрт қаупі сақталса, батысы мен солтүстігінде төтенше өрт қаупі жарияланған. Қарағанды қаласында да төтенше өрт қаупі сақталады.

Ұлытау облысында таңертең және күндіз оңтүстік-шығыс желі соғады. Солтүстігінде, шығысында және орталығында желдің екпіні секундына 15–20 метрге жетеді. Жезқазғанда күндіз оңтүстік-шығыс желінің екпіні секундына 15 метрге дейін күшейеді.

Шығыс Қазақстан облысының солтүстігінде күндіз аздаған жаңбыр жауып, найзағай болады. Оңтүстік-шығыстан соғып, кейін солтүстік-шығысқа ауысатын желдің екпіні облыстың солтүстігі мен шығысында секундына 15–20 метрге жетеді. Оңтүстікте жоғары өрт қаупі сақталады. Өскеменде түнде оңтүстік-шығыс желі соғып, кейін солтүстік-шығысқа ауысады, екпіні секундына 15–18 метрге жетеді.

Абай облысының оңтүстігінде күндіз шаңды дауыл көтеріліп, ауа температурасы 35 градусқа дейін көтеріледі. Оңтүстік-батыстан соғып, кейін солтүстік-шығыс және шығысқа ауысатын желдің екпіні оңтүстікте секундына 15–20 метрге жетеді. Батысында, оңтүстігінде және орталығында жоғары өрт қаупі сақталады.

Алматы облысының шығысында шығыстан соққан желдің екпіні секундына 18 метрге дейін жетеді. Солтүстігінде жоғары өрт қаупі сақталады. Қонаевта күндіз шығыс желінің екпіні секундына 18 метрге дейін күшейеді.

Жетісу облысында оңтүстік-шығыс желі соғады. Шығысында және таулы аймақтарда желдің екпіні секундына 15–20 метрге жетеді. Оңтүстігінде жоғары өрт қаупі сақталса, солтүстігі мен шығысында төтенше өрт қаупі бар.

Жамбыл облысының таулы аймақтарында күндіз өткінші жаңбыр жауып, найзағай болады. Солтүстік-шығыс желі облыстың оңтүстік-батысында, солтүстік-шығысында және таулы өңірлерінде секундына 15–20 метрге жетеді, түнде және таңертең екпіні 23 метрге дейін күшеюі мүмкін.

Түркістан облысында таңертең және күндіз оңтүстік-шығыс желі күшейеді. Солтүстігінде және таулы аймақтарда желдің екпіні секундына 15–20 метрге жетеді. Орталық бөлігінде жоғары өрт қаупі сақталады.

Қызылорда облысының батысы мен солтүстігінде таңертең және күндіз жаңбыр, найзағай және дауыл күтіледі. Күндіз облыстың батысында, солтүстігінде және орталығында шаңды дауыл болады. Оңтүстік-шығыс желінің екпіні секундына 15–20 метрге жетіп, күндіз 23 метрге дейін күшеюі мүмкін. Оңтүстігі мен солтүстік-шығысында жоғары өрт қаупі сақталса, батысы мен солтүстігінде төтенше өрт қаупі жарияланған.

Ақтөбе облысында жаңбыр жауып, найзағай ойнайды. Түнде облыстың батысы мен солтүстігінде кей уақытта қатты жаңбыр жауып, бұршақ пен дауыл күтіледі. Күндіз шығысында бұршақ пен дауыл болуы мүмкін. Солтүстік-шығыстан соғып, кейін батысқа ауысатын желдің екпіні облыстың оңтүстігі мен шығысында секундына 15–20 метрге жетеді. Солтүстік-шығысында жоғары өрт қаупі сақталса, оңтүстігі мен шығысында төтенше өрт қаупі бар. Ақтөбеде жаңбыр жауып, найзағай болады, түнде кей уақытта қатты жаңбыр күтіледі.

Атырау облысында түнде жаңбыр, найзағай күтіледі. Шығысында кей уақытта қатты жаңбыр, бұршақ және дауыл күтіледі. Күндіз облыстың батысында, оңтүстігінде және шығысында найзағайлы жаңбыр жауады. Солтүстік және солтүстік-батыстан соққан желдің екпіні облыстың солтүстігі мен шығысында секундына 15–20 метрге жетеді. Оңтүстікте төтенше өрт қаупі сақталады. Атырау қаласында түнде жаңбыр жауып, найзағай болады.

Маңғыстау облысында жаңбыр жауып, найзағай ойнайды. Түнде және таңертең облыстың батысында, солтүстігінде және орталығында кей уақытта қатты жаңбыр жауып, бұршақ пен дауыл күтіледі. Солтүстік-батыстан соққан желдің екпіні секундына 15–20 метрге жетеді, ал түнде облыстың солтүстігінде, оңтүстігінде және орталығында кей уақытта 25 метрге дейін күшеюі мүмкін. Солтүстігінде, шығысында және орталығында жоғары өрт қаупі сақталса, солтүстік-шығысында төтенше өрт қаупі бар. Ақтауда түнде және таңертең жаңбыр жауып, найзағай болады, желдің екпіні секундына 15–18 метрге жетеді.

Батыс Қазақстан облысының батысында, солтүстігінде және шығысында жаңбыр жауып, найзағай болады, күндіз бұршақ пен дауыл күтіледі. Солтүстік және солтүстік-шығыстан соққан желдің екпіні күндіз секундына 15–20 метрге жетеді. Батысында және орталығында жоғары өрт қаупі сақталады. Оралда күндіз жаңбыр жауып, найзағай, бұршақ және дауыл күтіледі. Желдің екпіні секундына 15–20 метрге жетеді.

Мәтіннен қате тапсаңыз, бізге жазыңыз