Қазақстанда интернет жұмысында ақау байқалды: министрлік өкілдері түсінік берді

Жасанды интеллект және цифрлық даму министрлігі Қазақстан бойынша интернеттен ақау байқалғанына байланысты түсінік берді, деп хабарлайды KAZ.NUR.KZ.

Ведомство мәліметінше, жекелеген интернет-ресурстардағы уақытша іркіліс құрылыс жұмыстары кезінде магистральдық талшықты-оптикалық байланыс желісінің зақымдалуына байланысты болды.

"Қазақтелеком" АҚ ақпараты бойынша, құрылыс техникасы халықаралық интернет-трафиктің негізгі бағыттарының бірін қамтамасыз ететін кабельді зақымдаған.

"Мамандар трафикті шұғыл түрде резервтік арналарға ауыстырды, бұл байланыстың толық өшіп қалмауына мүмкіндік берді.

Қазіргі уақытта қалпына келтіру жұмыстары жүргізіліп жатыр. Бұған жер жұмыстарын жүргізу кезінде байланыс желісінің зақымдануы себеп болды", - делінген хабарламада.

Мәтіннен қате тапсаңыз, бізге жазыңыз