Алматыдағы Канье Уэсттің концерті: алты бағыт бойынша 60 тегін шаттл қатынайды

Жарияланған күні:Бүгін, 10 тамыз 2026, 12:40

Өз концертінде ән айтып тұрған Канье Уэст. Фото: Ramon VAN FLYMEN / ANP / AFP via Getty Images

Әйгілі рэпер Канье Уэсттің Алматыдағы концерті кезінде тегін шаттлдар қатынайды, деп хабарлайды Алматы әкімдігінің баспасөз қызметіне сілтеме жасаған KAZ.NUR.KZ.

Әкімдіктің мәліметінше, 14 тамызда Алматының Орталық стадионында Канье Уэсттің (YE) концерті өтеді. Осыған байланысты көрермендердің қауіпсіздігі мен көлік қатынасын қамтамасыз ету бойынша арнайы шаралар ұйымдастырылады.

"Негізгі басымдық қоғамдық көлік жұмысына беріледі: іс-шара аяқталғаннан кейін қонақтарды қаланың алты бағыты бойынша 60 тегін шаттл тасымалдайды", - делінген хабарламада.

Көрермендерге қолайлы болу үшін автобустар Орталық стадионнан мына бағыттарға қатынайды:

Алматы Арена – 10 автобус;
Райымбек батыр / "Алатау" метро бекеті – 10 автобус;
Алматы-1 теміржол вокзалы – 5 автобус;
Орбита – 5 автобус;
Жұлдыз шағынауданы – 10 автобус;
Алматы халықаралық әуежайы – 10 автобус.

Естеріңізге сала кетейік, 17 шілдеде Алматыда әйгілі америкалық рэпер Канье Уэсттің концерті өтетіні туралы ақпарат тарады. Алдымен бұл жаңалықты оның менеджері Джозеф Карре хабарлады. Кейінірек Алматы әкімдігінің өкілдері ақпаратты растады.

Концерт 14 тамызда сағат 21:00-де Орталық стадионда өтетіні белгілі болды.

Бүгін Алматы полициясы Канье Уэсттің тыңдарманына үндеу жасап, концертке билет сатып алу кезінде алаяқтарға алданып қалмаудың жолдарын айтты.

Мәтіннен қате тапсаңыз,бізге жазыңыз