Қара күшке ие полицей елорда әуежайында ұшақты 10 метрге дейін сүйреді (видео)

Елордада Нұрсұлтан Назарбаев атындағы халықаралық әуежайда спортшы полицей ұшақты 10 метрге дейін сүйреп, рекорд орнатты. Бұл туралы әуежайдың Instagram парақшасында хабарланды.

"Спорт шебері, Нұр-Сұлтан қаласының полиция майоры Қамалиев Бауыржан Аманжолұлы әуе кемесін 10 метрге сүйреп, әлемдік Гиннес рекордын орындады. Құттықтаймыз", - делінген хабарламада.

Рекорд орнатқан Бауыржан Қамалиев бұл жеңісін елімізге, Тұңғыш президент күніне, Тәуелсіздіктің 30 жылдығына арнайтынын айтты.

"Еліміз аман болсын, аспанымыз ашық болсын, тыныштық болсын. Адамның қолынан, қазақтың қолынан келмейтін ешнәрсе жоқ. Ұшақты тарту қолдан келді. Қорқыныш қатты болды, өздеріңіз куәсіздер. Түнде бір жаттығып көрдім. Түнімен ұйықтамадым", - деп ағынан жарылды ол.

Посмотреть эту публикацию в Instagram

Публикация от Instagram

Еске сала кетсек, бұған дейін қара күшке ие отандасымыз Тимур Спатаев көлікті тіспен тартып сүйреген еді.

Ол Қарағандыда 3 тонналық джипті тіспен тартып, 30 метр жерге дейін сүйрей алған.

Тимур Спатаев жол талғамайтын көлікті ғана емес, оның қапталындағы тағы екі көлікті қос шынашағымен сүйреген.

Мәтіннен қате тапсаңыз, бізге жазыңыз