"Ол демалған жоқ": Жарыс кезінде АҚШ спортшысы бассейнге батып кетті

Су спорты түрлерінен Будапештте өтіп жатқан әлем чемпионатында тосын жағдай тіркелді. Синхронды жүзуден АҚШ құрамасының мүшесі Анита Альварес жарыс кезінде бассейнге батып кетті, деп хабарлайды Спорт-экспресс басылымына сілтеме жасаған KAZ.NUR.KZ тілшісі.

25 жастағы спортшы өз бағдарламасын аяқтаған соң, физикалық тұрғыдан қатты шаршап, су астына батып кетеді. Мұны бірінші болып байқаған құрама бапкері Андрэа Фунтес дереу суға сүңгіп, спортшыны бассейн астынан алып шыққан.

"Бұл өте қорқынышты жағдай болды. Себебі спортшының суға батып бара жатқанын құтқарушылар байқамай қалды, мен қанша айғайласам да, естіген жоқ. Сондықтан үстімдегі киіміммен суға сүңгуге тура келді. Анитаның демалмай жатқаны да қатты қорқытты. Оның өкпесіне су толып қалған екен. Қуанышқа қарай, есін жиды", - дейді бапкер.

Мұндай жағдай Анитаның басында бірнеше рет қайталанып отыр. Ол былтыр Барселонада өткен Олимпиадаға іріктеу турнирінде де есінен танып қалған болатын. Спортшының анасының айтуынша, бассейннен тыс кезде де Альварес жиі есін жоғалтып алған.

Мәтіннен қате тапсаңыз, бізге жазыңыз