Димаш Құдайберген БҰҰ ұйымдарының бірінің ізгі ниет елшісі болды

Халықаралық көші-қон ұйымы бүгін тоғыз ізгі ниет елшісін тағайындағанын хабарлады. Тоғыз елшінің бірі – қазақстандық әнші Димаш Құдайберген. Бұл туралы ұйымның сайтына сілтеме жасаған KAZ.NUR.KZ хабарлайды.

БҰҰ-ға қарасты Халықаралық көші-қон ұйымының ізгі ниет елшісі ретінде әлемнің түкпір-тұкпірінен атақты әртістер, суретшілер мен спортшылар арасынан тоғыз танымал адам таңдалған. Олар:

• Ама К. Абебрезе, актриса әрі тележүргізуші, Гана;
• Николас Марин Бенитес, фотограф, Аргентина/Аруба;
• Пол Чой, фотограф, Маврикий;
• Муктар Диакаби, футболшы, Гвинея;
• Кофи Кинаата, музыкант және бірнеше әннің авторы, Гана;
• Джанан Муса, баскетболшы, Босния және Герцеговина;
• Мирела Сула, психолог, журналист және жазушы, Албания;
• Димаш Құдайберген, әнші және бірнеше әннің авторы, Қазақстан (Азиядағы аймақтық рөлімен); 
• "Атлетико Пеньяроль" клубы, футбол клубы, Уругвай.

Dimashnews.com сайтында әншінің мәлімдемесі жарық көрді.

"Мен Халықаралық көші-қон ұйымының ізгі ниет елшісі ретінде мигранттардың құқығын қорғауды мақтан тұтамын. Әрбір адамның құқы мен мүмкіндіктері үшін аспаны ашық бейбіт әлемді бірге құрайық",- деп мәлімдеді Димаш Құдайберген.

Мәтіннен қате тапсаңыз, бізге жазыңыз