"Мені әрдайым қолдайтын": гвинеялық футболшы қазақ қызымен екі жыл кездескенін айтты

"Қайсар" және "Тұран" футбол клубтарында ойнаған гвинеялық легионер Адама Диалло қазақ қызымен екі жыл кездескенін айтты. Бұл туралы KAZ.NUR.KZ Metaratings.kz сайтына сілтеме жасап хабарлайды.

Өткен жылы БАҚ-та Адама Диаллоның қазақ қызымен түскен суреті тараған еді.

"Толығырақ айтқым келмейді, бірақ ол – жақсы қыз. Қазақстанда мен үшін қиын кезеңдер болды, сол кезде ол маған көмектесті. Екеуіміз екі жыл кездестік. Ол мені әр сәтсіз өткен матчтан кейін үнемі қолдайтын", – деді Адама Диалло.

Айта кетейік, гвинеялық шабуылшы Адама Диалло Қазақстандағы "Қайсар" және "Тұран" футбол клубтарында ойнады. Барлығы 63 матч өткізіп, 44 гол соғып, 8 нәтижелі пас берді.

Transfermarkt порталының мәліметінше, Диаллоның трансферлік нарықтағы құны – 300 мың еуро.

Мәтіннен қате тапсаңыз, бізге жазыңыз