"Біреудің кешірім сұрағаны маңызды емес": танымал тележүргізуші Елдос Сметовті құттықтады

Отандық тележүргізуші Ләйлә Сұлтанқызы Париждегі жазғы Олимпиада чемпионы Елдос Сметовті жеңісімен құттықтады. Ол Instagram желісіндегі парақшасында дзюдошыға сенбегендерге қатысты да ойын айтты.

Ләйлә Сұлтанқызы Елдос Сметовтің жеңісінен кейін Қазақстан дзюдо федерациясы PR менеджерінің сөзін мысалға келтірді.

"Қазақстан дзюдо федерациясының PR менеджері Айгерім Тоқсанбектің "Осыдан кейін "Елдосты шал болды, жастарға орын беру керек, кетсін" дегендер жеке-жеке кешірім сұрау керек деп ойлаймын!" деген жазбасын оқып, Елдос осы жолы Олимпиадаға қандай ішкі "күреспен" барғанын түсінуге болар.

"Бұйырған кетпейді" демекші, Елдосқа біреудің кешірім сұрағаны маңызды емес екені жүзінен-ақ көрініп тұр. Артында ұлына сенген отбасы мен елі тұр. Биіксің! Мықты екеніңді дәлелдедің, Елдос! Құттықтаймын! Жүлдеміз, жеңісті күндеріміз көп болғай", - деді ол.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз