"Спортқа деген махаббатымды оятқан – атам": Сметов алғашқы бапкеріне көлік сыйлады

XXXIII жазғы Олимпиада ойындарының чемпионы, Қазақстанның еңбек сіңірген спорт шебері Елдос Сметовке Т. Рысқұлов ауданының әкімі Ернар Есіркепов көлік сыйлады, деп хабарлайды KAZ.NUR.KZ

Бүгін Елдос Сметов туған жері Тұрар Рысқұлов ауданына табан тіреді. Құландықтар чемпионды Құлан қақпасынан зор құрметпен қарсы алды.

Ізгілік танытқан Олимпиада чемпионы көліктің кілтін алғашқы бапкері Ахмет Жұмағұлға сыйлады.

"Спортқа қызығушылымды оятқан, осы спортқа деген махаббатымды оятқан – менің атам. Мен ол кісінің немере баласы боламын, сондықтан да атамды алдыға шығарып, баршаларыңызбен таныстырғым келіп отыр. Ол менің алғашқы бапкерім – Ахмет Жұмағұл деген кісі", - деді Елдос Сметов.

Мәтіннен қате тапсаңыз, бізге жазыңыз