Әйгілі футболшы Неймар семейлік командаға арнап видео түсірді

Бразилия футбол құрамасы мен "Әл-Хиляль" клубының ойыншысы Неймар "Семей" футзал командасына видео жолдады. Бұл туралы KAZ.NUR.KZ тілшісі хабарлайды.

Неймардың видеосы семейік клубтың Instragram желісіндегі ресми парақшасында жарияланды.

"Семей" командасына жаңа маусымда сәттілік тілеймін. Сау болыңдар!", - деді Неймар.

32 жастағы Неймар 2023 жылдың тамызынан бері Сауд Арабиясының "Әл-Хиляль" клубында ойнайды. Оған дейін "Барселона", "ПСЖ" командаларында өнер көрсеткен. Ол Бразилия құрамасының тарихындағы ең үздік бомбардир (79 гол). Transfermarkt порталының мәліметінше, Неймардың трансферлік нарықтағы құны – 30 млн еуро.

Айта кетейік, "Семей" футзал клубы 1-2 қараша аралығында Қазақстан чемпионатының жаңа маусымы аясындағы алғашқы матчта өз алаңында алматылық "Қайратпен" кездеседі.

Өткен аптада "Семей" ұжымы венгриялық "Халадас" командасын жеңіп, УЕФА Чемпиондар лигасының элиталық кезеңіне соңғы жолдаманы иеленген болатын.

Мәтіннен қате тапсаңыз, бізге жазыңыз