Үш дүркін Азия чемпионы атанған қазақстандық гимнаст спорттық мансабын аяқтады
Опубликовано:
Қазақстандық гимнаст Эльжана Таниева Instagram желісіндегі парақшасында кәсіби мансабын аяқтайтыны туралы жазды. Бұл туралы KAZ.NUR.KZ хабарлайды.
20 жастағы Эльжана Таниева көркем гимнастикадан үш дүркін Азия чемпионы. Сондай-ақ ол екі рет Азия ойындарының күміс жүлдегері атанған.
"Кәсіби мансабыммен қоштасамын. Бұл мен үшін жай ғана спорт емес, өмірімнің бір бөлшегіне айналды. Бұл жол оңай болған жоқ. Күшім таусылатындай, кедергілер еңсерілмейтіндей болып көрінетін кездер де болды. Бірақ мұндай сәтте өзіме қарағанда маған көбірек сенетін адамдар жанымнан табылды", - деп жазды Эльжана Таниева.
Спортшы сондай-ақ Әлия Юсупова бастаған жаттықтырушылар құрамына, ата-анасына және бүкіл мансап жолында қолдау көрсеткен барлық жақынына алғыс білдірді.
"Бұл тарауды аяқтағаныммен, спортпен біржола қоштаспаймын. Маған берген барлық нәрсе үшін ризашылық білдіріп, алда әлі осындай қызықты сапар күтіп тұрғанына сенімдімін", - деді гимнаст.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/about-sports/2211950-ush-durkin-aziia-chempiony-atangan-qazaqstandyq-gimnast-sporttyq-mansabyn-aiaqtady/