Бокстан Азия чемпионаты: Бүгін 9 қазақ боксшысы финалда айқасады (тікелей көрсетілім)

Бүгін Иорданияның Амман қаласында бокстан Азия чемпионатының финалдық жекпе-жектері өтеді. Ақтық сында Қазақстан ұлттық құрамасының 9 боксшысы сынға түседі, деп хабарлайды KAZ.NUR.KZ тілшісі.

Тоғыз қазақстандық боксшының бесеуі Өзбекстан өкілдеріне қарсы шықпақ. Жалпы алғанда, Қазақсан командасы финалға шыққан спортшылар саны жөнінен көш бастап тұр. Екінші орында - 7 боксшысы ақтық сынға шыққан Өзбекстан құрамасы.

Бүгін финалда бақ сынайтын қазақстандық спортшылардың қарсыластары.

48 келі: Санжар Тәшкенбай - Аратаке Кадзума (Жапония)

51 келі: Сәкен Бибосынов - Хасанбай Досматов (Өзбекстан)

54 келі: Махмұд Сабырхан - Карло Паалам (Филиппин)

57 келі: Серік Теміржанов - Абдумәлік Халоков (Өзбекстан)

67 келі: Дулат Бекбауов - Бунджонг Синсири (Таиланд)

71 келі: Асланбек Шымбергенов - Зеяд Ишайш (Иордания)

75 келі: Нұрқанат Райыс - Саиджамшид Жафаров (Өзбекстан)

92 келі: Айбек Оралбай - Мадияр Сайдрахимов (Өзбекстан)

+92 келі: Қамшыбек Қоңқабаев - Лазизбек Муллажонов (Өзбекстан)

Кездесулер Астана уақытымен сағат 16.00-де басталады.