"Странджа-2023": Өзбек қарсыласынан ұтылған қазақ боксшысы жарысты аяқтады

Болгария астанасы Софияда өтіп жатқан бокстан "Странджа" турнирінде Қазақстан құрамасының екі мүшесі жарыстан шығып қалды, деп хабарлайды KAZ.NUR.KZ.

54 келіге дейінгі салмақта Бекзат Алдамжаров франциялық Биллалем Беннаммен кездесіп, 0:5 есебімен ұтылып қалды. Осылайша, турнирді алғашқы кезеңде аяқтады.

Одан бөлек, 63,5 келіде сынға түскен Ертуған Зейнуллинов өзбекстандық Мужибилло Тұрсыновтан жеңілді. Төрешілер бірауыздан өзбек боксшысын жеңімпаз деп таныған.

Кеше Ертуған қарсыласын мерзімінен бұрын жеңген болатын.

Айта кетелік, бүгін тағы екі боксшымыз шаршы алаңға шығады. Олардың қатарында Қамшыбек Қоңқабаев та бар.

Мәтіннен қате тапсаңыз, бізге жазыңыз