Жеңіліп көрмеген қазақстандық кәсіпқой боксшы Жанқош Тұраров Алматыда IBO титулының иегері мексикалық Алехандро Менесеске қарсы жекпе-жек өткізді, деп жазады KAZ.NUR.KZ.
12 раундқа жоспарланған жекпе-жек мерзімінен бұрын аяқталды. Оныншы раундта мексикалық спортшы ауыр жарақат алып, оның командасы кездесуді тоқтатты.
Осылайша, Жанқош Тұраров техникалық нокаутпен жеңіске жетті. Сондай-ақ 32 жастағы қазақстандық боксшы бірінші жартылай орта салмақтағы IBO (Халықаралық бокс ұйымы) титулын иемденді.
Айта кетсек, бұл Жанқош Тұраровтың кәсіби мансабындағы 27-жеңісі (20 кездесуде мерзімінен бұрын жеңген). Ал Алехандро Менесес мансабында алтыншы рет жеңіліп, 16 мәрте жеңіске жеткен.
Мақаланың түпнұсқасы: https://kaz.nur.kz/sport/boxing/2013745-bokssy-zanqos-turarov-meksikalyq-qarsylasyn-zenip-ibo-titulyn-iemdendi/
